Содержание
Молитвы о любви и мире между супругами
Дорогие друзья, предлагаю вашему вниманию наиболее полную подборку молитв, посвящённую теме любви и мира между супругами.
Прежде чем приступить к молитвам стоит прочесть поучительные слова апостола Павла в послании Ефесянам
Мужья, любите своих жен, как и Христос возлюбил Церковь и предал Себя за нее, чтобы освятить ее, очистив банею водною посредством слова; чтобы представить ее Себе славною Церковью, не имеющею пятна, или порока, или чего-либо подобного, но дабы она была свята и непорочна.
Так должны мужья любить своих жен, как свои тела: любящий свою жену любит самого себя. Ибо никто никогда не имел ненависти к своей плоти, но питает и греет ее, как и Господь Церковь, потому что мы члены тела Его, от плоти Его и от костей Его.
Посему оставит человек отца своего и мать и прилепится к жене своей, и будут двое одна плоть. Тайна сия велика; я говорю по отношению ко Христу и к Церкви.
Так каждый из вас да любит свою жену, как самого себя; а жена да боится своего мужа.
(Efesyanam 5: 25-33 )
Молитва Пресвятой Богородице о счастии брака и лада между супругами
Богородица – главная заступница за нас перед Господом. Ей молятся на все случаи жизни. Есть поверье о том, что Царица Небесная особо благоволит молодожёнам.
Молитвословие Пресвятой Владычице нашей Богородице и Приснодеве Марии
Тропарь, глас 4-й:
Рождество Твое, Богородице Дево, радость возвести всей вселенней: из Тебе бо возсия Солнце правды Христос Бог наш, и разрушив клятву, даде благословение, и упразднив смерть, дарова нам живот вечный.
Кондак, глас 4-й
Иоаким и Анна поношения безчадства, и Адам и Ева от тли смертныя свободистася, Пречистая, во святем Рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и Питательницу жизни нашея.
Молитва благоверному князю Даниилу Московскому о ладе в семье
Благоверный князь Даниил Московский горячий молитвенник за нас перед Богом. Святому принято молиться в житейских и жилищных проблемах, а так же о ладе в семье.
МОЛИТВА
Церкве Христовы похвало высокая, града Москвы стено необоримая, державы Российския Божественное утверждение, преподобне княже Данииле, к раце мощей твоих притекающе, усердно молим тя: призри на нас, память твою воспевающих, пролей теплое твое ходатайство ко Спасу всех, яко да утвердит миром страну нашу, грады и веси ея и обитель сию добре да сохранит, благочестие и любовь в людях твоих насаждая, злобу же, междоусобие и нравов развращение искореняя; всем же нам вся благая ко временному животу и вечному спасению даруй молитвами твоими, яко да прославляем дивного во святых Своих Христа Бога нашего во веки веков. Аминь.
Молитва святому апостолу Иоанну Богослову о любви в семье
Иоанн Богослов приближенный ученик и племянник Спасителя. Господь поручил Иоанну заботу о своей матери. Святой апостол проповедовал слово Божье и проповедовал любовь, считая её главной заповедью.
МОЛИТВА
О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче!
Умоли Господа Бога даровати нам оставление всех прегрешений наших, елико согрешихом от юности нашея, во всем житии нашем, делом, словом, помышлением и всеми нашими чувствы. Во исходе же душ наших помози нам, грешным, избавитися воздушных мытарств и вечнаго мучения, да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.
Молитва апостолу Симону Зилоту о мире в семье
Симон Зилот (Кананит) один из 12 апостолов Иисуса Христа. Согласно Библии первое чудо Спасителя произошло на свадебном пиру именно в доме Симона, тогда Христос, на глазах празднующих сделал из воды вино. Помимо прочего Симону молятся о счастии в браке и согласии супругов.
Кондак, глас 2:
Известно премудрости учения в душах благочествующих положшаго во хвалении ублажим, яко Богоглаголиваго вси Симона: Престолу бо Славы ныне предстоит и со Безплотными веселится, моляся непрестанно о всех нас.
Молитва:
Святый славный и всехвальный апостоле Христов Симоне, сподобивыйся прияти в дом твой в Кане Галилейстей Господа нашего Иисуса Христа и Его Пречистую Матерь, Владычицу нашу Богородицу, и очевидцем быти преславнаго чудесе Христова, на браце твоем явленного, претворения воды в вино!
Молим тя с верою и любовию: умоли Христа Господа претворить души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных и испроси нам свыше помощь во время уныния и беспомощия нашего, да не преткнемся о камень соблазна, но неуклонно шествуем спасительным путем заповедей Христовых, дондеже достигнем обителей райских, идеже ты ныне водворяешися и веселишися.
Ей, апостоле Спасов! Не посрами нас, крепце на тя уповающих, но буди нам помощник и покровитель во всем житии нашем и помози нам благочестно и богоугодно житие сие временное скончати, благую и мирную христианскую кончину получити и добраго ответа сподобитися на Страшнем Суде Христове, да избежавше мытарств воздушных и власти лютаго миродержца, унаследуем Царство Небесное и прославим великолепое Имя Отца и Сына и Святого Духа. Аминь.
Молитва архангелу Варахиилу – покровителю благочестивых семей
“Варахаил – архангел Божиих благословений”. «…Через него посылается благословение Божие на всякое дело, на всякое доброе житейское занятие».
МОЛИТВА
О, великий архистратиже Божий архангеле Варахииле!
Предстоя Престолу Божию и оттоле принося благословение Божие в домы верных рабов Божиих, испроси у Господа Бога милосердия и благословения на домы наша, да благословит Господь Бог и нас от Сиона и от Горы Святыя Своея и умножит изобилие плодов земных и подаст нам здравие и спасение и во всем благое поспешение, на врагов победу и одоление и сохранит нас на многия лета, да единодушно славим Бога
Молитва о преумножении любви между мужем и женой святым мученикам Христовым Адриану и Наталии
Святой Андриан был заключён в темницу, где его тяжело избивали и впоследствии убили. Его жена, святая Наталия, скончалась на могиле своего мужа. Святым молятся о любви между супругами, ладе и добрых отношениях в семье.
Молитва
О священная двоице, святии мученицы Христовы Адриане и Наталие, блаженнии супрузи и доблии страдальцы!
Услышите нас молящихся вам со слезами, и низпослите на ны вся благопотребная душам и телесем нашим, и молите Христа Бога, да помилует нас и сотворит с нами по милости Своей, да не погибнем во гресех наших.
Ей, святии мученицы! Приимите глас моления нашего, и избавите ны молитвами вашими от глада, губительства, труса, потопа, огня, града, меча, нашествия иноплеменников и междоусобныя брани, от внезапныя смерти и от всех бед, печалей и болезней, да присно вашими молитвами и предстательством укрепляеми, прославим Господа Иисуса Христа. Ему же подобает всякая слава, честь и поклонение, со Безначальным Его Отцем и Пресвятым Духом, во веки веков. Аминь.
Тропарь, глас 4
Мученицы Твои, Господи, во страданиих своих венцы прияша нетленныя от Тебе, Бога нашего: имуще бо крепость Твою, мучителей низложиша, сокрушиша и демонов немощныя дерзости. Тех молит-вами спаси души наша.
Молитва о прекращении ненависти между супругами к мученикам и исповедникам Гурие, Самоне и Авиве
Святые мученики Гурий, Самон и Авив – святые покровители семьи и брака. Святые заступники приходят на помощь женщинам, которые терпят скорби, побои и неправды от своего супруга.
Молитва
О святии мученицы и исповедницы Христовы Гурие, Самоне и Авиве! Теплии о нас ходатаи и молитвенницы пред Богом, во умилении сердец наших, взирая на пречистый ваш образ, смиренно молим вас: услышите нас, грешных и недостойных рабов своих, сущих в бедах, скорбех и напастех, и призрев наша тяжкая и бесчисленная прегрешения, явите нам свою великую милость, воздвигните нас из глубины греховныя, просветите наш ум, смягчите злое и окаянное сердце, прекратите зависть, вражду и раздоры, в нас живущие.
Осените нас миром, любовию и страхом Божиим, умолите милосерднаго Господа, да покрыет множество грехов наших Своим неизреченным милосердием. Да соблюдет Церковь Свою святую от неверия, ересей и расколов. Да подаст стране нашей мир, благоденствие, земли плодородие; супругам любовь и согласие; чадам послушание; обидимым терпение; обидящим страх Божий; скорбящим благодушие; радующимся воздержание.
Всех же нас да покрыет Своею всесильною десницею, и да избавит от глада, губительства, труса, потопа, огня, меча, нашествия иноплеменников и междоусобныя брани, и напрасныя смерти.
Да оградит нас ополчением святых Своих Ангелов, во еже избавитися нам по исходе нашем из жития сего от козней лукаваго и тайных воздушных мытарств его, и не осужденными предстати Престолу Господа Славы, идеже лицы святых Ангел со всеми святыми выну славят пресвятое и великолепое Имя Отца и Сына и Святаго Духа, ныне и присно и во веки веков. Аминь.
Тропарь, глас 5
Чудеса святых Твоих мученик стену необориму, нам даровавый, Христе Боже, тех молитвами советы языков разори, Церковь святую укрепи, яко един Благ и Человеколюбец.
Молитва о счастии в браке и благополучия в семье св. мученикам Хрисанфе и Дарие
Эти святые, ещё до брака, решили между собой вести праведную жизнь, преданную Богу .
О, святии и преблаженнии страстотерпцы, мученицы Христови Хрисанфе и Дарие!
К вам у престола Божия предстоящим и молитвенникам нашим теплым, скорым помощникам мы, недостойнии, прибегаем. Услышите ныне сие моление наше и умолите возлюбленного вами Господа нашего Иисуса Христа, Его же вы исповедали в тяжких мучениях своих пред безумными мучители и гонители святой веры Христовой, о нас недостойных грешных.
Вы убо ради веры Христовой многи мучения претерпели и умерщвлены быша, Церковь Христову украсисте и венцами безсмертныя славы увенчании, в неизглаголанней радости с лики ангельскими в небесных селениях водворяетеся. Божественным светом облестаемии. Явити и нам многомощное заступление: веру Христову в чистоте сохранити, в злостраданиях и искушениях мужество проявити, в житейских потребах довольство, в молитвах постоянство и любовь к Богу и ближним всегда имети.
Наставите нас, святии мученицы, молитвами вашими на путь спасения, укрепите стопы наша твердо и непоколеблемо ходити путем заповедей Господних, вразумляя заблудшия, даруя недугующим исцеление, бедствующим избавление, в супружестве живущим покровительство, всем же нам вся ко спасению полезная. Яко да вашими молитвами наставляемии и предстательством укрепляемии, прославим Спасителя нашего Господа Иисуса Христа. Ему же подобает всякая слава, честь и поклонение, со безначальным Его Отцем и Пресвятым и Благим и Животворящим Его Духом, ныне и присно и во веки веков. Аминь.
Молитва святым благоверным князю Петру и княгине Февронии, Муромским о любви и мире между супругами
Эти святые – символ любви, чистоты и счастья в браке. Чаще всего, христиане молятся святым за помощью в решении любовных вопросов.
О угодницы Божии, благовернии княже Петре и княгине Февроние, к вам прибегаем и к вам со упованием крепким молимся: вознесите о нас, грешных (имена), святыя молитвы ваши ко Господу Богу и испросите у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимо, в добрых делех преуспеяние.
И ходатайствуйте нам у Царя Небеснаго житие благополучное и добрую христианскую кончину. Ей, чудотворцы святии! Не презрите молитв наших, но будите о нас приснии предстателие ко Господу, и сподобите нас помощию вашею спасение вечное получити и Царствие Небесное унаследовати, да славословим неизреченное человеколюбие Отца и Сына и Святаго Духа, в Троице покланяемаго Бога во веки веков.
Молитва о мире в семье и любви между супругами святой и преблаженной мученице Проскеве Пятнице
Среди прочего святой Проскеве Пятнице молятся: в надежде на чудо рождения, те кто ожидает достойного жениха, кто хочет наладить мир в семье и браке.
О святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Его же преблаженнейшим зрением присно веселитися; моли Всемилостиваго, иже словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение.
О великая угодница Божия! О мужественнейшая дево! О крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощны есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствоваши, мрака же греховнаго избывше, во свете истинныя веры и деяний Божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца и Сына и Святаго Духа, ныне и присно и во веки веков. Аминь.
Молитва о мире, ладе и совете в семье и между супругами к святому чудотворцу Николаю Мирликийскому
Святому Николаю Мирликийскому молятся практически в любых бедах и с любыми проблемами.Великий святой не только покровитель моряков и путешественников, но и помощник в поисках суженного и покровитель мира и любви в семье. Неоднократно замечено, что святой очень любит детей и помогает тем, кто хочет измениться и жить праведно.
О добрый наш пастырю и Богомудрый наставниче, святителю Христов Николае!
Услыши нас грешных, молящихся тебе и призывающих в помощь скорое предстательство твое: виждь нас немощных, отвсюду уловляемых, всякаго блага лишенных и умом от малодушия помраченных: потщися, угодниче Божий, не оставити нас в греховнем плену быти, да не будем в радость врагом нашым и не умрем в лукавых деяниих наших: моли о нас недостойных Содетеля нашего и Владыку, Емуже ты со безплотными лики предстоиши: милостива к нам сотвори Бога нашего в нынешнем житий и в будущем веце, да не воздаст нам по делом нашым и по нечистоте сердец наших, но по Своей благости воздаст нам: на твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, и укроти волны страстей и бед возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших.
Моли, святителю Христов Николае, Христа Бога нашего, да подаст нам мирное житие и оставление грехов, душам же нашым спасение и велию милость, ныне и присно и во веки веков. Аминь.
- Категории:С Богом Ключевые слова:Молитвы
Oleg Plett 9:00 дп
Буду рад, если Вы поможете развитию сайта, нажав на кнопочки ниже 🙂 Спасибо!
https://plett.ru/molitvuy-o-lyubvi-suprugi/
